Uagut pilluta
Pikkorissuseqartumik nutserineq kalaallit aamma danskit oqaasiinut, kiisalu killormut
Nalaatsortumik pisanngilagut, taamaattumik oqaatsit pikkoriffigisavut atorlugit nutserisarpugut, kalaallisut oqaatsivut ilitsoqqussaralugit, danskit oqaasii oqaatsit aappaattut.
Kalaallisut oqaatsivut ilitsoqqussaralugit, oqaatsit siullertut atukkat. Danskit oqaasii nersussuup immuanit, oqaatsit aappaattut atukkat.
Sulininni inuunera tamakkerlugu kalaallisut oqaatsivut aamma danskit oqaasii atortuarpakka, sulininni allannermi aamma oqalunnermi. Teknikimut tunngasunik ilisimasaqarpunga ukiorpaalunni telefonilerisutut sulisimaninnit, aamma allaffimmiutut tamatigoortumik ilinniagaqarpunga. Sulinermi misilittagaqarfigaakka: naatsorsuuserineq, aalisakkanik suliffissuarmi aamma tusagassiorfinni sulisoqarnermut pisortatut, allaffeqarfimmi pisortatut aamma isumaqatigiissutinut siunnersortitut. Suliniummik aqutsisutut assassornermi ilinniagaqarnermit. Akunnattumik sivisussusilimmik Ilisimatusarfimmi ilinniagaqarpunga, teologimi bacheloritut. Suleqatiga meeqqat atuarfianni ilinniartitsisutut kalaallit oqaasii immikkut sammisaralugit ilinniagaqartuuvoq aamma tusagassiortutut ilinniagaqartuulluni.
Inatsit innersuunneqartoq:
Oqaatsinut politikki pillugu Inatsisartut inatsisaat nr. 7, 19. maj 2010-meersoq
Kapitali 2 Oqaatsinut politikki
§ 3. Kalaallit oqaasii tassaapput Kalaallit Nunaanni pisortatigoortumik oqaasiusut pisortatigullu ingerlatsinermi atugaasut.
Inatsit tamakkerlugu atuarneqarsinnaavoq uani:
Taamaattumik nittartagarsi kalaallisut atuarneqarsinnaasariaqarpoq.